Ein infel vn̄ ein crone
[424v]
Ein infel vn̄ ein crone·
die pflegent nv d̾ kriſtēheit·
mit ir gerihtē ſchone·
ſwelh rihter rat vn̄ vùrſpꝛeche[WS 1] iſt·
vn̄ ſelb̾ teilē wil·
wil d̾ niht rehte rihtē·
noh ratē vf rehtē ſcheit·
noh ſpꝛechē vf eī ſlihtē·
erteilet d̾ dvrh argen liſt·
ze lúzel vn̄ zvil·
we dē der da zerehte ſtat·
mit ſchulde vn̄ ane ſchulde·
ſin gv̊t er voꝛ v̾loꝛn hat·
da bi deſ rihters hulde·
ir pfaffē vn̄ ir leigē
wa vīdēt ir ein ſich̾heit
voꝛ dē gerihtē zweiē·
die h̾ren hant dc ſi ú leit·
den ſchaffe wid̾ſeit·
Anmerkungen (Wikisource)
- ↑ Vorlage: v́urſpꝛeche.