Der walt stůnt alle grise
[279v]
Der walt stůnt alle grise·
vor sne vnd ǒch vor ise·
der ist in liehter varwe [280r] gar·
nemt sin war·
stolzú kint·
vnd reient da die blůmen sint·
Ich bin holt dem meien·
dar inne sach ich reien·
min liep vnder der linden schat·
manig blat·
ir da wac·
fúr der heissen svnne tag·
Vf manigen gruͤnem rise·
hort ich sůsse wise·
singen kleinú voglin·
blv̊men schin·
ich da vant·
heide hat ir lieht gewant·