Der svmer svmerbernde kvmt
[253r]
Der svmer svmerbernde kvmt·
mit wunne wunnekliche·
des lǒbes lǒbet manig walt die blůmen bluͤment velt·
dú zit enzit an froͤiden frumt·
mit blvͤnder bluͤte riche·
die suͤssen doͤne doͤnent vogel ir singen sanges gelt·
mit schoner gruͤne gruͤnet tal· vs roͤte rot da glestet·
in bruner brvne purper var der meije sich nv gestet·
hie gelwer gel dert blawer bla·
da wîsse wîsser lilien schin·
got verwet varwe vil der werlte· die welt bas anderswa·