Wol dir meie wol dir wūne (Der von Buchein)
[271v]
Wol dir meie wol dir wūne·
du froͤiſt aber dú vogellin·
we im d̾ dir leides gvnne·
vn̄ mit valſche gedenke din·
nît vn̄ has· iſt vngenême·
d̾ mv̊s mir ſin wd̾zeme·
frowē grůs mir tête bas·
Nvſt bekleidet wol dú heide·
lieht̾ varwe wūneklich·
walt vn̄ ǒwe grůnent beide·
meije dú biſt froͤiderich·
ſwer nv wil die zit v̾tribē·
der ſol dienē w̾den wibē·
wibes lon git froͤidē vil·
Wil dú mīnekliche reine·
ſo froͤit ſich min ſender lib·
vn̄ wirt trvrē vō mir kleine·
troͤſtet mich ſi ſelig wib·
al min not· vn̄ mine ſw̾e·
ſwindet wil dú lobeb̾e·
vn̄ ir ſvͤſſes mv́ndel rot·