Stammbuch berümpter Fürsten, Graffen vnnd Herren Geschlechter:Seite 94
| <<<Vorherige Seite | Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter | Nächste Seite>>> |
 | ||
| fertig | Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
| |
Emmer / nicht weit von der stat Stenen / bey dem Schloß Aldenburg.
Der Bischoff zuo Badeborn / vnd die Graffen zuor Lippe haben dise herrschafft vnder sich getheilet.
Das geschlecht diser Graffen findestu droben bey der herrschafft Arnsberg.
Tecklenburg / Eine Graffschafft ligt im Stifft Osnabruck.
Anno 860 zuor zeit Ludouici Pii hat gelebt Graff Cobbo von Tecklenburg / ist dem Keyser lieb gewesen / darumb er auch inn vndern Sachsen sich viel vnderstanden / inn den Stifften geordnet was er gewolt / vnd als der Bischoff zuo Osnabruck von wegen der Conspiration / so wider den Keyser gemacht war / fliehen muoste / vnd heimlich inn das Kloster Fulda kam / da entzog diser Graff dem Bisthumb viel gueter / vnnd gab sie zuom theil dem Kloster Corbey vnnd Herfort / da seine freünde jnnen waren / vnd damit sie denen bleiben mochten / hat er verschaffung gethan / das solche leüte zuo Bischoffen des ortes auffgenommen wurden / die es wol bleiben liessen. Metrop. lib. 1. cap. 40. & lib. 2. cap. 17.
Anno 1176 als Heinricus Leo ist bekrieget vom Keyser Friderico / vnnd des Reichs Fürsten inn Sachsen / ist Graff Simon von Tecklenburg dem Ertzbischoffe zuo Coeln zuogezogen / aber inn der schlacht gefangen worden / vnd nach seiner erledigung trewlich bey dem Hertzogen gehalten. lib. 6. cap. 39. Saxo.
Denn als der Keyser für Lübeck kam / wolten jhn die Lübecker / die doch sonsten dem Keyser wol geneiget waren / nicht einlassen / weil des Hertzogen volck darinnen lag / vnder denen der fürnembste war Graff Simon von Tecklenburg. cap. 45. eiusdem loci & libri.
Anno 1178 ist Simon Graff zuo Tecklenburg in der schlacht mit dem Bischoff Weichman zuo Magdeburg / vnd Vlrich zuo Halberstat gehalten / mit vielen andern herrn erschlagen worden / sagt Chro. Saxo.
| Simon / Graff zuo Tecklenburg | |||||||||||||||||||||||||||
| Otto / diser hat dem Kloster zuo Oizede viel gueter geben / welche der Bischoff zuo Onsabruck bestettiget hat. Metrop. lib. 6. cap. 44. | Sophia Graff Herman zuor Lippen gemahel. Anno 1200. | Simon. | |||||||||||||||||||||||||
| Ludwig / Bischoff zuo Münster. Metr. lib. 7. cap. 15. | |||||||||||||||||||||||||||