Sjch froͤit d̾ ſvͤſſen ſvm̾zit

SJch froͤit d̾ ſvͤſſen ſvm̾zit·
erde vn̄ luft vn̄ ſwc dú beidú b̾nde ſint·
ich tet alſo wā dc mir lit·
ein leit ſo nahe da vō mir vꝛeude gar v̾ſwint·
owe dc mich dú liebe des niht ane tůt·
vn̄ ich ir mine beſtē tage·
mit ſtete her gedienet han·
nv hoͤꝛe ich doch iehē deſ ſi ſi ſo gůt·
wā neigte ſi min hohe klage·
ſo dc ſi eine gvnde mir dc ich ir diente vf liebē wā·

Mit ſtetē mv̊te vn̄ ane wank·
ſol mā zerehte ſtetē wibē dienē ſol^{[WS 1]}
ſo hab ich d̾ gv̊ten ane dank·
was dar vmbe ſi mac mich noch wol
vō ſendē ſoꝛgē ſcheidē· ſi vil ſelig wib
die ich nach ſvͤſſer liebe habe·
dú mich alleine mag gew̾n·
ir hohe werendú^{[WS 2]} tvgent ir mīneklicher lib·
kv̄t mir min lāger kvmb̾ abe·
ich wirde ſelher froͤidērich d̾ tuſent h̾zen mehtē gern·

Wil mich dú h̾zeliebe niht·
ir gvͤte lan genieſſen d̾ ſi wūd̾ hat·
dvr wc ſolde ich dāne ahtē iht·
wies vf d̾ heide an ſvm̾ lieht̾ wūne ſtat·
ir roſevarwer mvnt ir mīneklich̾ grůs·
mak mir vil mere froͤide gebē·
dāne al d̾ vogel ſvͤſſer ſang·
wc ſol ich ſagē wirt mir vō ir niht ſw̾e bůs·
ſo endert ſich lebē·
vn̄ iſt dú zv̊u̾ſiht da hin dar vf ich ie nah froͤidē rank·

Anmerkungen (Wikisource)

1. Vorlage: dienē.
2. Vorlage: hoheverendú.