Wikisource

Seite:Wasserschleben-ludoviciana.pdf/19

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

institutiones Justinianeas explicabit, additis subinde Declamationum et Disputationum exercitiis.

  2. Non detinebunt auditores supervacaneis allegationibus aut odiosis et inutilibus subtilitatibus; collegas etiam aut quosvis alios interpretando vel disputando minime criminabuntur.
  3. De jure ab aliis consulti ea fide et diligentia respondebunt, ut et hujus Academiae dignitas nomenque augeatur et partibus consulentibus recte prospiciatur.


VI.
De officio Medicorum.
  1. (XXXVIII. 2) Professores Medicinae spartam, quam nacti sunt, fideliter exornent, et in docendo Principes Medicorum imitentur tam Graecos quam Latinos et Arabes, ut sunt Hippocrates, Galenus, Aegineta, Aetius, Oribasius, Avicenna, Celsus, Rhases etc., ita tamen, ut in nullius verba vel auctoritatem jurare videantur.
  2. (XXXIX. 2) Primarius Medicinae Professor doctrinam de sanitate praesenti tuenda et absenti restituenda auditoribus explicabit, non generaliter saltem, verum etiam in specie, tam internorum quam externorum morborum curationem proponet.
  3. (XXXIX. 3) Alter in medicina Theoterica declaranda versabitur, res videlicet secundum naturam et praeter naturam cum doctrina signorum juventuti proponens.
  4. (XXXIX. 4) Tertius doctrinam de materia circa quam versatur Medicina declarabit, inprimis illa, quae Diaetam, Pharmaciam et Chirugiam illustrant, respiciens et diligentem horti Medici curam habebit.
  5. Ut disputationes tam publice quam privatim a sungulis vel saltem a plerisque Anatomiae ab Anatomico, et herbationes a Botanico frequenter instituantur, Decanus facultatis quotannis prospiciat et cum Collegis de crebris officinarum visitationibus et aliis ad tuendam sanitatem necessariis sollicitus sit.


VII [1]
De philosophorum officio.
  1. (LIII. 1. 8) Philosophi singulis semestribus censuras instituent, in quibus in
    1. ↑ Die Zahl fehlt das.
    Empfohlene Zitierweise:
    Hermann Wasserschleben: Die ältesten Privilegien und Statuten der Ludoviciana. Louis Wenzel, Gießen 1881, Seite 19. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Wasserschleben-ludoviciana.pdf/19&oldid=- (Version vom 14.9.2023)
    Von „https://de.wikisource.org/w/index.php?title=Seite:Wasserschleben-ludoviciana.pdf/19&oldid=4282652“