Wikisource

Seite:Von dem Aufenthalt und den Besitzungen der Grafen von Nassau in Franken (Teil 2).pdf/39

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

nechste an Cunrad Pirckheimers garten gelegen demselben Cunrad Pirkheimer desselben vnsers garten im orte das zunechst hinten an desselben Cunrad Pirkheimers garten sießt, als dasselbe ort des gartens yetzund, von desselben Cunrad Pirkheimers laubenmaur bis an des Rotters hewßlein vertzeichent ist, recht vnd redlichen verkaufft vnd tzu kauffen geben haben vnd geben zu kauffen in kraft diß briefs. Also das dasselbe orte gartens nu fürbaz des egenant Cunrad Pirkheimer vnd seinen erben zu haben vnd tzu nießen fürbas ewigklichen. Vnd wir geloben sie auch desselben garten ortes zu weren für lauter eygen als recht ist on geuerde, mit dem rechten daz der egentl. Cunrad Pirkheimer vnd sein erben, recht vnd volle macht haben sullen, ein maur von der egenant Laubenmaur bis an des Rotters hinter hewßlein auf vnsern egentl. garten anderthalb schuchs dicke zu setzen vnd zu legen vnd Ir egeschriben garten orte, als das yetzunden vertzeichent ist, zu Irem garten eintzevahen wie sie gut dünkt, ongeuerde. Vnd wir verzeihen vns auch leuterlichen aller der rechte die wir, oder vnser Closter an dem egenant orte des garten gehabt haben oder gehaben möchten. Also das wir noch yemand von vnsern wegen, darnach khein ansprach klag noch vordrung nymer gehaben noch gewinnen sullen noch wollen weder mit geistlichen noch weltlichen gerichten noch süst in dhem weise ewigklichen. Vnd das egeschriben orte des gartens kumpt zu rechten

Von „https://de.wikisource.org/w/index.php?title=Seite:Von_dem_Aufenthalt_und_den_Besitzungen_der_Grafen_von_Nassau_in_Franken_(Teil_2).pdf/39&oldid=3401841“