man zalt von Gotes geburt. Drizenhundert iar. vnd in dem Sibenzendem Jare.
Wir Emich vnd Anna Greve vnd Grevin von Nassz tun kunt allen den die disen Brief lesent, sehent oder hörent lesen, daz wir dem Erben manne Lupolde schürstabe Burgrave zu Nuremberg vnd sinen Erben veriehen eins Erbes vf daz Gut zu Berngersdorf daz der alten Schülerinne was, des Erbes Günnen wir vnd vnser Erben, ime vnde sinen Erben wol zu habenne, vnd zu Niezenne, als ez von der egenanten Schülerinne der komen ist, vnd als Erbes Reht ist, also daz man ditz Gut mit vnsers amptmans daselbest worte vnd wille besetze vnd entsetze. Vnd daz man vns mit dienste vnd mit andern sachen von dem Gute tue als ander vnser lüte in dem Gerichte, vnd als ez herkomen ist. Vnd daz wir dem vorgenanten Lupolde des Erbes vnd sinen Erben, wol günnen, als vorgeschriben stet, des habn wir ime disen brief geben versigelt mit vnserm Insigel. das daran hanget, Daz geschach da man von Cristes gebürte zalte Druzehenhundert Jar, darnach in dem Nunzehenden Jare, an sante Laurentien abente, des heiligen Martires.
Von 2 abhangenden Siegeln ist nur eines noch daran, und zwar ein equestre, auf welchem
Anonym: Von dem Aufenthalt und den Besitzungen der Grafen von Nassau in Franken in: Journal von und für Franken, Band 6. Raw, Nürnberg 1793, Seite 452. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Von_dem_Aufenthalt_und_den_Besitzungen_der_Grafen_von_Nassau_in_Franken_(Teil_2).pdf/29&oldid=- (Version vom 1.8.2018)
