Wikisource

Seite:Von dem Aufenthalt und den Besitzungen der Grafen von Nassau in Franken (Teil 2).pdf/28

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Beylagen.

N I.

 Ich Heinrich der Schülir. vnd Frav Chünel min wirtin. Vnd ich Chunrat Schülir vnd Frov Trevtel min wirtin. Vnd ich Seitz der Schülir vnd Frov Christin min wirtin. dri gebrudere veriehen offenlich vnd tun kunt allen den di disen brif lesen oder horent lesen. Daz wir alle mit gesamenter hant vnd mit guter betrachtung. haben geben. hern Leopolt dem Schürstab vnd sinen erben, recht vnd redelich ze koufen. vnser Erbe ze Peringerstorf. daz da gehöret. in daz Gericht zem Herolsperg. besucht. vnd vnbesucht. mit allem nutz vnd mit allem recht. als wir ez her haben bracht. ze haben ewichlich vnd wir schüln ouch In daz selb Erbe stetigen von heren hant. vor phingesten die nv schirest choment. ane allen iren schaden. Vnd wir haben ouch gelobt. swenne Chünzel vnser bruder inrhalb Landes chümt. daz wir denne schaffen schüln. daz er daz selb Erbe vf gebe vnd si sein ouch wer als erbes recht sei. Vnd wir schuln si ouch des erbes weren als recht ist. Vnd des ze eym vrkünd vnd ze eyner steticheit. haben wir In geben disen brief versigelt mit der Stat Insigel ze Nurenberg, daz dar an hanget. Des sint gezerivg di ersamen man, her Wolfram Stromeir. her Chunrat Katerpecke. her Hermann Ebener, her Seitz Holschuher. vnd ander genug. Der brief ist geben an dem phinztag nach sente Jacobs tag. do

Von „https://de.wikisource.org/w/index.php?title=Seite:Von_dem_Aufenthalt_und_den_Besitzungen_der_Grafen_von_Nassau_in_Franken_(Teil_2).pdf/28&oldid=3401829“