Seite:Volapuek-Almanach fuer 1888.pdf/70

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Sigmund Spielmann: Volapük-Almanach für 1888

Einige Handelsbriefe.

Ia.

Wien, dät stäpa potik.

P. P.

Labobs stimi, al lenunön oles, das yanul balid a. y. as fia peplotegöl:

Donner & Co.

edamanifobs

jäfi leböba e komitäta

in top isik.

Ojäfobs ninlemi e seii bidas valik pöpas, ledilodas, valutas, pöpas völadik e. 1. äslik lefulami komitas leböba e begobs olis, das givolsös obse gudliko komitis löfik olsa, kelis oibefulobs kudiküno.

Noetolsös plidikün disopenädis obsa suköl ed if vipols nüni dö stad obas, ogivoms atis olse vilöfiküno söles:

„Jac. Schlesinger & Co.“ in Wien, e

„B. Gonda’s Neffe“ in Budapest.

Lensumolsös lepüki obsa lestima e divodama.

Donner & Co.

Heinrich Donner openom: Donner & Co.

Friedrich Hobenau „ Donner & Co.

IIa.

Leipzig, 1888 yanul 15 id.

Söles Donner & Co., Wien.

Egetobs zülagi olsa e penodi de 8 id a. m. e danobs oles gudiküno plo dünalof olsa.

Ifi nü jäfs obsa ko plad olsik no binoms zisumik, deno vilobs-la lensumön lofi olsa, if lonami plovida ovilols lunön su 1‰ ed if obinols löbik, givön obse vobi in top obsik.

Valadöls nunis olsa plidikis disopenobs

ko lestim valik

Adler & Goldschmied.

Empfohlene Zitierweise:
Sigmund Spielmann: Volapük-Almanach für 1888. Mayer, Leipzig 1888, Seite 71. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Volapuek-Almanach_fuer_1888.pdf/70&oldid=- (Version vom 1.8.2018)