Eine Vnter-Oesterreichische / vnnd Landsfürstliche Statt an der Thonau / vnd gar an den Vngarischen Gräntzen gelegen / davon im Text / p. 21. seq. vnd daselbst auch von dem gegen überstehenden hohen Bergschloß Dewin / oder Teben; darunter ein Marcktfleck ist: wie auch von dem Dorff Petronell / vnd andern Orten herumb.
Ein wolerbaute lustige Statt am Inn / oder Yn / in Tyrol / so / wegen deß Saltzsiedens / gar berühmt ist / vnd von der vnser Text p. 139. seq. zu lesen. Einer sagt / daß es auch ein Jesuiter Collegium allhie habe; mag aber vielleicht nur eine Residentz; oder etwan ein Probir-Hauß seyn; weiln die Statt Insprugg / da diese Societät ein vornehmes Collegium hat / nur eine starcke Meil zu Lande / oder 2. kleine zu Wasser / von hinnen gelegen ist. Sonsten hat es zu Hall auch ein berühmtes Müntzwesen / oder Werck; Item / ausserhalb der Statt / ein Glaßhütten. Sihe Steph. Vinand. Pighium (Dann also ist besagter vnser Text zu corrigiren,) in Hercule prodicio etc.
Ein Fürstlich VnterSteyrische Statt / an dem Fluß Lauffnitz; Das Schloß / vnd zugehörige Herrschafft aber / ist / als ein Pfandschilling / denen Herren von Paar gehörig: Vnd hat sich noch neulich Herr Carl / Freyherr von Paar / Erbland-Hoff-Postmeister / einen Herrn zu Hardberg / vnd Crotenstein geschrieben.
Ein weitschichtiger Marckt-Fleck / zu anfang der Graffschafft Görtz / vnd an den Crainerischen Gräntzen / gelegen; davon / vnnd dem Pyrbaumer Wald / in vnserm Text / p. 128.
Ein schöner / grosser / Vnter-Oesterreichischer Marcktflecken / wie ein Stättlein; davon / vnd der reichen Probstey allda / vnser Text / p. 52. b. zu sehen.
Ein Marcktfleck / in der Graffschafft Cilly; davon im Text / p. 82. b.
Ein Marcktfleck an der Thonau / vnd eine meil Wegs vnter Crembs / in Vnter-Oesterreich gelegen; aber / sampt seiner Herrschafft / dem Bisthum Freising / in Bayern / gehörig. Siehe den gedachten Text / p. 52. seq.
Im Hertzogthum Kärnten ligt auch ein Berghauß / oder Schloß / sampt zuständiger Herrschafft / gleiches Nahmens.
Ein Stättlein / vnd Schloß / in Vnter-Oesterreich / auff Mähren zu / vnd vier meilen von Crembs gelegen / so der Zeit Herrn Reichs Vice-Cantzlern / Graff Kurtzen etc. zuständig seyn solle. Sihe vnsern Text / p. 22. seq. vnd daselbst auch von der Graffschafft Beil: oder Peilstein / vnd den Graven von Hardegg / etc.
Ein Saltzburgischer Marckt / vnnd Schloß / in Kärnten gelegen; da herumb es Bergwerck hat.
Ein Ort in Crain / nahend der Clausen Pflitsch / oder dem Schloß Flitsch / in welchem allwegen ein Keyserliche Besatzung ligt. Es hat in Idria ein berühmtes Quecksilber Bergwerck / so dem Hauß Oesterreich gehörig ist. Siehe den Text / p. 128.
Matthäus Merian: Topographia Provinciarum Austriacarum. Frankfurter Kunstverein, Frankfurt am Mayn 1679, Seite 416. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Topographia_Austriacarum_(Merian)_416.jpg&oldid=- (Version vom 1.8.2018)
_416.jpg&oldid=-){kind=link}
_416.jpg&oldid=3396349){kind=link}