Seite:Topographia Alsatiae (Merian) 124.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Matthäus Merian: Topographia Alsatiae

AEDES ECCLESIAE CATHEDRALIS ARGENTORATENSIS UT A PLAGA

Septentrionis et Occidentis aspiciuntur.

Templum augustum, ingens, cunctis mirabile terris,
Qua jacet ARGYROPAE moenibus ampla suis,
Cernitur et celsum caput inter nubila condit,
Et totum luci, qua micat illa, patet.
Adde quod ambiguis sit idem perflabile ventis.
Qua Zephyrus, Boreas, Auster et Eurus eunt:
Sit pictum statuis, varioque toreumate caesum,
Sit galea et cono non titubante ratum.
Quadruplici paritor septum testudine, tellus,
Cui neque par habuit maxima, par nec habet.
Hoc priscae quondam gentes posuere Treboci,
Non ut adoretur gloria vera Dei:
Sed rude KRUTZMANNAE numen fictumque colatur.
Post ubi coelesti rex CLODOVAEUS ope
Conversus didicit CHRISTI pia verba, Deastrum
Abstulit, et sacro sanxit honore locum.
Interea cum saepe poli peleretur ab igne,
Major enim moles lignea turris erat.
Tandem ERVINUS opus fundo STEINBACHIVS imo
Capit, et artifici, duxit ad alta manu
Tempore quo PRIMVS servaret sceptra RUDOLPHVS.
Donec per natos adjiceretur apex
Nunc opus immensum immensis servare nepotes
Sumptibus et cura nit remorante solent,
Cuius honoratis operantur in adibus almi
Sacra Dei cultum noticiamque Dei.
SVMME tuum TEMPLVM serva populumque, REDEMPTOR
Qui Tibi sub TEMPLO servit ovatque tuo.

Empfohlene Zitierweise:
Matthäus Merian: Topographia Alsatiae. Frankfurt am Mayn: Frankfurter Kunstverein, 1647, Seite T34. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Topographia_Alsatiae_(Merian)_124.jpg&oldid=- (Version vom 19.8.2022)