seinem ersten Gemahl / Burggraf Hansen zu Nürnberg Tochter (deren Mutter Elisabeth Bertold / ersten Fürstens zu Henneberg Tochter gewesen) diese Statt sampt Heldburg vnd Hilperhausen vberkommen / welcher im Jahr 1394. diesem Ort das Vngeldt / zu Besserung der Statt fünff freye Jahrmärckte / ingleichen einen Wochenmarckt am Montag / vnd das Gehöltz / als das Tennich / Heyder Holtz / Eichholtz / Hadderberg vnd Birckenbühl genant / bestettiget. Anno 1400. hat dieser Landtgraf sampt seinem Sohn Friderico der Statt ein Privilegium vff etliche Jahr ertheilet / weil sie von dero Feinden / als Heinrich Grafen zu Schwartzburg vnd Gerhard Bischoffen zu Würtzburg / welche vmb Coburg vff dem Lande mit brennen / auch Verderbung der Teiche / grossen Schaden gethan (wie denn diese Feindschafft vmb eines Teiches willen entstanden) abgebrandt / daß sie von dato an 12. Jahr Stewer / Bethe vnd der Jährlichen Renthe frey vnnd vberhaben seyn solte.
Als nun Landgraf Baltasar Anno 1406. den 18. Maij gestorben / vnnd sein Sohn Friederich die Lande ererbet / hat derselbe Anno 1411. auß Gotha diese Schrifftliche Freyheit gegeben / daß alle Bürger zu Eißfeld vor vnd in der Statt wohnhafftig / das Bürgerrecht haben / doch inner der Stattmawren bräwen vnd schencken / deßgleichen auch den Marckt daselbst halten solten.
Es hat aber Anno 1420. dieser Landtgraff Friederich seinem Vetter Wilhelm / Landgraffen in Thüringen / vnnd Pfaltzgraffen zu Sachsen / der Reiche zugenambt / seine Land vnd Leuthe Fränckischen Orts vnd also auch vnter andern diese Statt abgetretten vnd eingethan / welcher Landgraf Wilhelm dann vber 4. Jahr hernach confirmirt / daß der Rath zu Eißfeld nicht aussen vnd vor: sondern inner der Newstatt soll gewehlet werden / wie dann gedachter Landgraff Anno 1423. diese vnnd dergleichen Freyheiten auß Coburg am Tage Allerheiligen / auch der Statt Heldburg verliehen. Wie aber diese Statt ferner auff das Löbliche Hauß zu Sachsen / vnd auff welche Fürstliche Personen vnd Erbherren sie kommen / ist auß nachfolgender richtiger Ordnung der Succession zuersehen: Als diese Orth vnd Lande von obgedachten Landgraff Wilhelm / auff Wilhelmen Hertzogen zu Sachsen / etc. Churfürst Friederichen Bruder / etc. kommen / hat er zu Coburg am Donnerstag Scholasticae virginis den 10. Febr. Anno 1446. dieser Statt Freyheiten vnnd Rechte bestättiget / ist den 17. Septembr. 1482. verstorben. Dieser hat seinen Vettern Churfürst Ernsten vnd Albrechten seinen Bruder Hertzogen zu Sachsen diese Land verlassen / welche zu Eißfeld auff Sonnabend nach Francisci Anno 1482. die Confirmation gegeben. Vnnd nach dem Anno 1486. den 26. Augusti auch Churfürst Ernst verstorben / haben seine Söhne / Friederich Churfürst vnd Johann / Hertzog zu Sachsen / etc. auffs new allhier Sontag nach Simonis et Iudae Anno 1486. vorige bestettiget.
Johann Friederich Churfürst vnd Hertzog zu Sachsen / etc. in Coburg / Sontag nach Elisabeth Anno 1533. für sich vnd in Vormundschafft dero Brudern Johann Ernsten / etc. Johann Ernst Hertzog zu Sachsen / etc. Coburg / Freytags nach divisionis Apostolorum Anno 1543.
Johann Friederich der Elter Churfürst zu Sachsen nach Abgang dessen Brudern Johann Ernsten / in der Ehrenburg zu Coburg Donnerstags nach Laetare Anno 1553.
Johann Friederich der Mittler / Johann Wllhelm vnnd Johann Friederich der Jünger / Gebrüder / Hertzoge / zu Sachsen / etc. auff ihren Herrn Vatter Johann Friederich den Eltern Churfürsten zu Sachsen sich beruffend / zu Weymar bestettiget Anno 1554.
Die drey Weltlichen Churfürsten / Pfaltz / Sachsen vnd Brandenburg / in Vormundschafft / Coburg den 28. April. Anno 1574.
Johann Casimir Hertzog zu Sachsen / etc. dessen Confirmation vnter andern also lautet: etc. Confirmiren / ernewern vnnd bestettigen gegenwertiglich / etc. daß Sie
Matthäus Merian: Topographia Superioris Saxoniae. Frankfurt am Mayn: Eigenverlag, 1650, Seite 135. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Superioris_Saxoniae_(Merian)_135.jpg&oldid=- (Version vom 14.9.2022)
_135.jpg&oldid=-){kind=link}
_135.jpg&oldid=4106896){kind=link}