t. Ruodolff sein hausfraw was ain tochter karoli des vierden / vn[d] hat tyrol zuo de[m] haus österreich bracht vn[d] gestifft die probstey zuo wien zuo sant Steffan / vn[d] ligtt da selbs begraben
v. Albrecht
x. Fridrich sein hausfraw was ain hertzogin von holland von dem ist komenn künig Albrecht / von des nachkomen fürbas gezaichnet stat / vn[d] beleibet hertzog Lewpold an stat vntz nach im
y. Albrecht ain sun des yetz obgeschriben Fridrichs ist gewesen römischer künig zuo hungern vn[d] zuo behem vnd hat ain hausfrawen gehabt Elsbeth kayser Sigmunds tochter vnd haben beyainander gehabt vier kind Jörgen Laudislaen Elizabeth vnd Annam
z. Künig Albrechts sun Jörg
ā. Laudislaus künig zuo hunger vn[d] zuo Behem / hertzog zuo österreich / des egenanten künig Albrechts sun das edelst pluot / ist gestorbe[n] anno d[omi]ni m.cccc.lvij an de[m] xxiij tag Nouembris
ē. Elsbeth hertzogin zu Saxsen
[w.] Anna künigin zuo Polland / also hat sich der stam geendet / vnd ist österreich gefallen an hertzog Ernsten kind / von seinem bruoder hertzog Albrechten / vnd mein genedigister herr hertzog Sigmund auff dise zeit anno d[omi]ni m.cccc.lxxv an der Etsch regierend.
Nun ist zuo sagen von dem sibenden hertzog Albrechts kind Lewpold genant
aa. Lewpold ainer der vij kind hertzog Albrechts hat sein weib gehabt ain herzogin von mayland / vnd[d] hat gehabt vj kind Albrechten Wilhalmen Lewpolden Ernsten Fridrichen vnd ain tochter
bb. Albrecht hertzog Lewpolds sun hat gehabt ain sun
cc. Ein sun des nechst geschriben Albrecht sein hausfraw ist gewesen ain herzogin von holand / vnd starb zuo Newenburg da er kam von tzuan aus dem veld anno d[omi]ni m.cccc.iiij / vnd ligt zuo wien zuo Sant Steffan vnd ließ auch ain sun Albrecht gena[n]t
dd. Albrecht ain sun des nechstgeschriben Albrechts
ee. Wilhelm der ander sun hertzog Lewpolds des weib ist gewesen ain tochter künig karoli vo[n] püln / vnd ist gestorben on leib erben anno d[omi]ni m.cccc.vi iar an dem tag der tailung der zwölffpoten[1] vn[d] ligt zuo Wien zuo sant Steffan
ff. Lewpold auch hertzog Lewpolds sun het ain hertzogin vo[n] Burgundia vnd starb on leib erben
gg. N. ain tochter auch hertzog Lewpolds
hh. Fredrich auch hertzog Lewpolds sun des gemahel was ain hertzoginn von Praunsweig / vnd het ain sun mein genedigen hern hertzog Sigmund / vn[d] ist gestorben anno domini m.cccc.xxxix
ii. Sigmund mein genedigister herr des egena[n]ten Fridrichs sun / hat gehabt zuo gemahel Elionariam des durchleüchtigen künig Jacobs tochter vo[n] Schotten vnd darnach ain hertzogin von Saxsen
kk. Ernst auch ein sun hertzog Lewpolds des obgena[n]ten ain ertzherzog zuo österreich / vnd hat vo[n] seiner haußfrawen ainer künigin von Poland gehabt ix kinder Alexandriam katherinam vnd annam margretham Ruodolffen Lewpolden Ernsten Albrechten vnd Fridrichen
ll. Alexandria ain tochter des selben hertzog Ernsten
mm. Anna auch des selben tochter
- ↑ Zwölfbotentag = 15. Juli
Ladislaus Sunthaym: Der löblichen Fürsten und des Landes Österreich Altherkommen und Regierung. Basel (bei Michael Furter) 1491, Seite 47. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Sunthaym_Der_l%C3%B6blichen_1491_47.jpg&oldid=- (Version vom 1.8.2018)