a. Albrecht landgraff in Elses herr von Sassenburg
b. Ruodolf graff ze Habspurg ward erwelt zuo römischen künig / anno d[omi]ni .mcc.lxxiij. vn[d] starb anno d[omi]ni m.cc. vnd xci in dem hewmonat vn[d] ligt zuo Speir begraben / vn[d] ließ iij sün Ruodolfen Albrechten und Hartman der ist ertruncken in dem rein zuo reinaw mit xiiij redlichen personen anno d[omi]ni m.cc.lxxx. des selben künig gemahel wz Mechilt grefin von Nassaw
c. Ruodolff hat gehabt zuo gemahel ain swester künig Wentzliß vo[n] Behem / vn[d] hat gehabt j sun hertzog Hansen
d. Hertzog hans / hertzog Ruodolffs sun ersluog künig Albrechten
e. Albrecht römischer künig / kü[nig] Ruodolffs erstgeborner sun / hette zuo gemahel fraw Elsbet hertzog mainrats tochter von kernden / vn[d] ward erslagen von herzog hansen anno d[omi]ni m.ccc.viij. an dem ersten tag des mayen bey brugg / vnd ligt begraben zuo küngsfelde[n] vor dem altar / im ward gelihen das hertzogtuomb zuo österreich anno d[omi]ni m.cc.xc der erst anfang der regieru[n]g des hertzogtuombs österreich / von dem grafen von habspurg Nach dem als sein vater künig Ruodolff den künig Ottacker ze Behem erslagen het / vn[d] verließ x kind v sün deren namen warent Fridrich Lewpold Albrecht Heinrich Ott / vn[d] v töchter Agnes Katherina Anna Elsbeth Agnes Doch setzen etlich Croniken vj sün Ruodolfen / der ain erwelter künig zuo Behem was / doch nit gekrönt gewesen sein sol vn[d] gehaissen der best vnder den Welfen
f. Fridrich albrechts sun römischer künig widerparteyer kü[nig] Ludwigs vn[d] herzog von Pairn / hat gestift das Closter maurbach / vn[d] ist gestorben an dem viij tag epiphanie anno d[omi]ni m.cc.xxx
g. Lewpold hertzog in swaben / het ein hausfrawen vo[n] sophoy ist gestorbe[n] anno d[omi]ni m.ccc.xxvj an dem letsten tag february / vn[d] ist zuo künigsfelden begraben
h. Heinrich hat gehabt ain hausfrawen vo[n] Brande[n]burg vn[d] ist gestorbe anno m.ccc.xxxiij.
i. Ott hat gehabt zuo weib Elsbeten vo[n] pairn vn[d] des künigs tochter von Behem / vn[d] ist gastorben anno d[omi]ni m.ccc.xl / vnd sagend etlich Croniken er habe ain sun gegabt Fridrich der der erst zuo Wien begraben sey
k. Agnes des egemelte[n] kunig Albrechts tochter / hat künig andris vo[n] hungern ze man gehabt / vnd ist gestorben anno d[omi]ni m.ccc.lxiiij am iiij tag des brachmonat / vnd stiftet zuo künigsfelden ain barfuoser Closter vnd ain sant Claren Closter vnd ligt da begraben
l. Elsbeth hat gehabt ain hertzogen von Lutringen / vn[d] ist gestorben anno d[omi]ni m.ccc.lij / vnd ligt zuo künigsfelden
m. Anna hertzogin zuo Poland
n. Katherina hertzogin zuo kalabria
o. Agnes grefin zuo öttingen
p. Albrecht der egemlte[n] x kinder ains het zeweib des grafen tochter von phirt / vnd hat vij kind der namen waren Heinrich Ruodolff Albrecht Fridrich Lewpold Margreth katherina Er stifft die hohen schuol zuo Wien / vnd das Closter der bekerten frawen sant Jeronimi / vn[d] starb anno d[omi]ni m.ccc.xcv / vnnd livgt zuo sant Steffan
q. Katherina wz ain eptissin zuo wien zuo sant Clara
r. Margreht was ain marggrefin zuo Brandenburg
s. Heinrich hertzog Albrechts sun / des hausfraw hieß Elspeth
Ladislaus Sunthaym: Der löblichen Fürsten und des Landes Österreich Altherkommen und Regierung. Basel (bei Michael Furter) 1491, Seite 46. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Sunthaym_Der_l%C3%B6blichen_1491_46.jpg&oldid=- (Version vom 1.8.2018)
