Wikisource

Seite:Sunthaym Der löblichen 1491 12.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

sant Colmans / vnd die weil der heilig leichnam in Hungern was / hetten die hunger mangerlay plagen / pestilentz hunger vn[d] kain regen / da muosten sy des benanten sant Colmans leychnam wider gen österreich schicken / Aber sein hailiges haubt behielten sy pyß auf heütigen tag zuo Stuolweissenburg[1] gezaigt wirdet / der benant bischoff Popp ligt begraben zuo Trier[2].

D. [Adalbert der Siegreiche]

ALbrecht genant der sighafft[3] / marggraf Heinrichs des widerspenige[n] elter sun[4] / der drit marggraff in österreich / fieng an zuo regiere[n] dz land österreich ze hand nach seines vatern abga[n]g vn[d] regiert die marich österreich wol vnd schuon xvj iar / er vnd sein sun Lewpold gena[n]t der Starckritter eroberten widerumb dz land österreich von künig Abba von hungern[5] / der es dan mit dem schwert bezwungen het vn[d] macht dz widerumb dem Römischen reich vndertenig / das selb land österreich ward dem benanten marggraf Albrechten vnd seinen nachkomen von kayser Heinrichen dem anderen[6] widerumb bestett vnd verlihen / der obgenant marggraf Albrecht / hat auch gestritten mit künig Andre von hungern dem ersten[7] / vnd behielt alweg den sig / daru[m]b er gena[n]t ward Albrecht der sighaft / pracht ain stuck des heiligen kreütz gen melkh / Vnd hielt sein fürstlichs geseß auch zuo melkh / het zuo gemahel fraw Adelhaiten künig Peters vo[n] hungern swester[8] / die selb wz auch gesipt mit kayser karl dem großen künig zuo Franckreich / Vnnd auch mit dem heiligen sant Sigmund künig in Burgundi / der egenant Albrecht ligt begraben zuo melkh bey seinem gemahel vn[d] seinen eltern / verließ zwen sün / Lewpolde[n] vn[d] Ernsten.

E. [Ernst I., Herzog von Schwaben]

ERnst genant der elter hertzog zuo Swaben[9] / der ander sun marggraf Heinrichs des widerspenigen / vnd ain bruoder marggraf Albrechten des sighaften ain frumer redlicher fürst dem wolwas mit iagen vnnd aller waidma[n]schafft / der benant hertzog Ernst ward erschossen in aine[m] geiagd von ainem grafen genant graf Albrechten / Nach cristi gepurd M vnd etliche iar. der egemelt Hertzog Ernst / het zuo gemahel fraw Gysela[10] / des geslechts kayser karls des großen künigs zuo Franckreich ain mümel künig Ruodolfen von Burgundi[11] / vnd hette mit der benanten fraw Gysela zwen zwiling Ernsten vn[d] Herman[12] / vn[d] der bemelt ernst ligt begraben in seinem hertzogtuomb zuo Swaben / vnd nach abgang des benanten hertzog Ernsten Nam die bestimbt fraw Gysela hertzog Conraten hertzogen zuo Franckenn[13] / der nach mal Römischer kayser warde vnd genant Salita / bey dem egenanten hertzog Conraten hete fraw Gysela ain tochter genant Chüngund / Die selb Chüngund ward v[er]mahelt künig Heinrichen dem schwartzen vnnd güetigen Römischen künig[14] / die starb an dem widerzug aus welschen landen mit vil andern fürsten vnnd herren Ee sy bey gelegen ist / vnd fraw Gysela ligt begraben bei irem gemahel kayser Conraten zuo Speir[15].

F. [Leopold der Starke]

LEwpold genant der starck Ritter[16] marggraf Albrechten des sighaften elter sun / erobert mit sambt seinem vater widerumb die marich österreich von künig Abba von Hungern / der die mit dem schwert bezwungen het Als oben gemelt ist / vn[d] behielte[n] dz veld / vn[d] erlegten mit ainer klaine[n] menig volcks / ain große

  1. ↑ Stuhlweißenburg, heute Székesfehérvár
  2. ↑ im Stift St. Simeon, 1803 umgebettet nach St. Gervasius, Grab heute nicht mehr erhalten
  3. ↑ Adalbert der Siegreiche (um 985–1055)
  4. ↑ falsch, Sohn von Markgraf Leopold I. (siehe „A“)
  5. ↑ Sámuel Aba (um 990–1044)
  6. ↑ Kaiser Heinrich III. (1017–1056)
  7. ↑ Andreas I. (1015–1060), König von Ungarn
  8. ↑ Die verschiedenen Stammtafeln sind hier widersprüchlich, einerseits wird als 1. Ehefrau diese nicht näher bestimmte Adelheid genannt, andererseits eine Glismod, Schwester des Bischofs Meinwerk von Paderborn. Adalberts zweite Ehefrau war ab ca. 1041 Frowiza, Tochter des Dogen Ottone Orseoli von Venedig. Diese war tatsächlich eine Schwester des Peter Orseolo, König von Ungarn.
  9. ↑ Ernst I., Herzog von Schwaben († 1015)
  10. ↑ Gisela von Schwaben (wohl 999–1043)
  11. ↑ Rudolf III., König von Burgund (um 970–1032)
  12. ↑ siehe „H“ und „I“
  13. ↑ Kaiser Konrad II. (990–1039)
  14. ↑ Kaiser Konrad II. und Gisela von Schwaben hatten zwar Kinder, aber die hießen (Kaiser) Heinrich (III.), Beatrix und Mathilde. Mathilde († 1034) war mit einem König Heinrich verheiratet, und zwar mit dem König von Frankreich Heinrich I. Sunthaym verwechselt sie offensichtlich mit der norwegischen Königstochter Gunhild von Dänemark, die mit dem römischen König Heinrich III. „dem Schwarzen“ verheiratet war.
  15. ↑ Kaisergruft im Speyerer Dom
  16. ↑ Leopold I. der Starke, Mitregent seines Vaters Adalbert des Siegreichen und Markgraf der ungarischen Mark (1025–1043)
Empfohlene Zitierweise:
Ladislaus Sunthaym: Der löblichen Fürsten und des Landes Österreich Altherkommen und Regierung. Basel (bei Michael Furter): –, 1491, Seite 12. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Sunthaym_Der_l%C3%B6blichen_1491_12.jpg&oldid=- (Version vom 1.8.2018)
Von „https://de.wikisource.org/w/index.php?title=Seite:Sunthaym_Der_löblichen_1491_12.jpg&oldid=3393336“