Tripla.
JTEM EINER
der sah sich Vbel für-
kaufft ein voll Vaß Schnebergisch
Bier, Vmb sechs altschock vnd einen ordt, Beut man Jhm daß mitt einem wortt-
Das bot dem Kauffern sehr mißfelt, Hoffts zur langen vmb gringer geldt.
Spricht. Jch will daß nach mein gefalln, Nach der leng der Visir rutt zaln.
Vors erst vnd letzt maß will Jch gebn / Etzliche Nüß. Daß merck gar ebn.
Vors setzt ohn einß vnd an der maß / Geb Jch dreimal meh / Dann vor daß.
Das dritte vnd das letzt ohn zwei / Theurer dreimal allß vorig sei.
Vnd so ferdt durch Progression, Soller von Mier bezalung holl.
Der Vorschlag gfelt verkeuffern wol / Will daß man darauff rechnen soll.
Jch such die Teuff vnd leng der Rutt / Visir das Vaß. Das Facit thutt:
Sieben vnd sechtzig alte schock / Dartzu zwen grosch. Der seltzam kopff
Hatt die Rechnung nicht recht betracht, kommt zu schaden durch vnbedacht.
Trinckt Jch das Biers ein Kandel maß, So geb Jch fünff Pfennig vor daß.
Will Jch dann dafür haben Nüß, Funff vnd funfftzig jch haben muß.
Ein altschock zwantzig groschen thut, Ein gr. 12. d. hab daß inn hut.
Künstlicher Meister wolgemeint, Sag. Wieviel Punct der Lenge seind
Vff dieser Rutt? Wieviel auch brürt Puncta, die Teuff. Wanß corrigirt?
Das Vier daß bleibt inn seinen ordn, Ob gleich dasselb gesteigert wordn?
Vor mein Patron Jch Jeden acht, Der Mir die Rechnung nach gemacht.
Daß Facit aber Jch nicht setz, Werß bgert, der fuchs, Er findts zu letzt.
Textkritische Anmerkungen
Andreas Reinhard: Drei Register Arithmetischer ahnfeng zur Practic. 1559, Seite 169. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Rechenbuch_Reinhard_169.jpg&oldid=- (Version vom 1.8.2018)
