Vff btrogenheyt eyn yeder gat
Do mit er nutz hab on verlust
Ob hundert joch verderben sust
Keyn erberkeyt sicht man me an
Echt eyns dings moecht kumen ab
Got geb ob tusent sturben drab /
Vor vß loßt man den win nit bliben
Groß falscheyt duot man mit jm triben
Weydesch / senff / milch / vil krut vnreyn
Stoßt man zuom puncten jn das fasß
Die schwangern frowen drincken das
Das sie vor zyt genesen dick
Vil kranckheyt springen ouch dar vß
Das mancher fert jns gernerhuß
Man duot eyn lam rosß yetz beschlagen
Das wol gehoert vff den spitel wagen
Als solt es nachts zuo metten gan
So es von armuot hinckt vnd zaelt
Muoß es doch yetz geltten syn gelt
Do mit beschissen werd die welt
Die elen sint kurtz zuo gericht
Der koufflad muoß gantz vinster syn
Das man nit seh des tuoches schyn
Die wile eyner duot sehen an
Sebastian Brant: Doctor Brants Narrenschiff, Basel 1499, Seite 137v. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Narrenschiff_(Brant)_1499_0274.jpg&oldid=- (Version vom 18.8.2016)