Obe sich ens (so) dinc gi fugit so
daz ime sin herze lieb wol gůtis gan.
hat och der selbe vroidin sin
ob ich in leide trurich bin.
So spot er niht dar umbe min
ob ime sin lieb iht liebes tuͤt.
Ich[WS 1] wer och gerne wol gi muͤt
moht ez in liebes hulden sin.[1]
dez mannes schone noch sin tugint
nith erbin sol so ie der liep ir stirbit
daz mac wol clagin ein wisir man.
der sich dez schadin vir sinnin kan.
Reimar was guetir kunst an dir virdirbit
dv solt von schuldin iemir dez gi niesin
daz dich dez tagis nie wolti vir driessin
dvn sprechis ie den vrowin wole. (so)
dez sv͛n si iemir danken diner szungin. (so)
vnd hettist andirs niht won eine rede gi sungin
so wol dir wib wie reine din nam. dv hettest an ir lob alse gi stritin
daz ellu wib dir iemir ginadin soltin bittin.
michel harter den ich dich
ob dv lebtes. vnd ich were erstorben.
Ich[WS 1] wils bi minen truwen sagen.
dich selben wil ich luzel clagen.
Ich clage din edel kunst daz si ist verdorben.
dv kundest alle der welte frode meren.
so dus zu gůten dingen woltust keren.
Mich ruwet dien wol redender mvͤnt. vnd din vil svͤzer sang.
daz der verdorben ist bi minen ziten.
- ↑ Diese Strophe gehört Walther v. d. Vogelweide. s. Lachmann S. 95. In der Hs. stehen darnach noch folgende Zeilen, von einer Hand des 15. Jahrhunderts gekritzelt: Owe ich fil vnsellik wib was sol mir herze sin vnd der lip. – Der übrige Raum dieser Seite – 7 Zeilen – ist leer.
Anmerkungen (Wikisource)
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 334. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_334.png&oldid=- (Version vom 7.1.2019)
