Seite:Literarischer Verein Stuttgart IX 288.png

	Verschiedene: Bibliothek des Literarischen Vereins in Stuttgart (Band IX)

swenne ich dvr si hohe trage minen mv̊t.
wol mich danne sv̊zer arbeit
han ich sorge dv͛ senftet wol.
dv͛ vil liebe wirt si mir beschert waz ich danne wunne liden sol.

10.

     Si liebe si schone si gv̊te.§     (H. 2, 165^a)

si kvͤsche si clare si vrůte.
si vroide si selde si wunne
mer geschehe ir liebes denne ich erdenken kvnne
vnd ich ir wol gvnne.

11.

Si werde si here si riche

ir gv̊te mac sich gv̊te wol gelichen.
si vroide si selde si wunne
mere etc.^{[WS 1]}

12.

Si senfte si sv̊ze si reine(H. 2, 165^b)

die ich mit truwen vnd mit stete meine.
si vroide si selde si wunne
mere geschehe etc.^{[WS 2]}

13.

     Nv her obe ieman kan vernemen§

des ich von minnen kvnden wil.
obe vch dv͛ rede niht gar enzeme
verdriez vch legent mir ein zil.
vur daz enspriche ich niht me
swer mich dar an bedenke
der willen mv̊ze an wunsche ergen
ez nahet dem tage
swa sich zwei lieben scheiden die haben herzeleide clage. ◒◒◒

14.

Ez warp ein ritter lange cit

vmbe eine frowen vil gemeit
doch (Bl. 35^a) wart verendet wol sin strit
si galt ime alsin arbeit
vil wol nach siner ger
si beschiet ime tovgenlichen
da si in des lones wolde wern.

Anmerkungen (Wikisource)

1. Lies, geschehe ir liebes denne ich erdenken kvnne
   vnd ich ir wol gvnne.
2. Lies, ir liebes denne ich erdenken kvnne
   vnd ich ir wol gvnne.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 288. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_288.png&oldid=- (Version vom 7.1.2019)