Wikisource

Seite:Literarischer Verein Stuttgart IX 286.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.


XXVI.
GVNTHER. VZ. DEM. VORSTE ⁙



1.
     Ich han liep mit seneder leide(H. 2, 164a)

des mv̊z ich vil ofte rv͛wic sin.
ia enkan ich niht vnderscheiden
miner vroide lige ie trvren bi.
svs verlv͛s ich minen[1] wunneclichen tac.[2]
dc dv͛ gv̊te niht erkennet minne[3] not des meret sich min clage.

2.
Ia enweiz niht dv͛ wolgetane

dc si mich also verderben lat.
sol ich leben in zwivel wane
wie wirt miner sorgen danne rat
hei wan mv̊ste aber ich ir minen kvmber sagen
den ich han von senedem pine. sist so gv̊t dc si mir hvlfe clagen.

3.
Swer ie seneden mv̊t gewan.§     (H. 2, 164b)

dvr liep der rate mir
wan ich bin ein trvric man.
der kvmet mir abe von ir
die ich vor allen vrowen mir erkos
kvmet min[4] lieber wan. aber so bin ich vroiden los.

  1. ↑ Lies mine.
  2. ↑ Lies tage.
  3. ↑ Lies mine.
  4. ↑ So; mir ein?
Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 286. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_286.png&oldid=- (Version vom 7.1.2019)
Von „https://de.wikisource.org/w/index.php?title=Seite:Literarischer_Verein_Stuttgart_IX_286.png&oldid=3471716“