Seite:Literarischer Verein Stuttgart IX 276.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Verschiedene: Bibliothek des Literarischen Vereins in Stuttgart (Band IX)

8.

Ich wande vngemv̊te

swunde mir da von daz si ist gv̊t
nv wil mich ir gv̊te
. . . .^[1] machet vngemv̊t.
got vor wibes vbele mich behv̊te
sit ir gv̊te mir so leide tv̊t.

9.

Er mac wol verderben

swer mit vbelen wiben vmbe gat.
wan ich mohte ersterben
sit ir gv̊te mich des niht erlat
ich mv̊z vmbe si mit trvwen werben
dv͛ mich doch in vngenaden hat.

10.

Der ich gab vur eigen§ (H. 2, 160^b)

mich gar
minv͛ iar
nach ir hvlden
von schvlden
mohte is niht haben rat
wan si mac erzeigen
so vil
dem si wil
gv̊ter dinge
da ringe
von sin gemv̊te stat
schone lop vnde heil
svnder meil
hat dv͛ reine
swie cleine
si trœste mich
ir lop ich
doch kvnde
got svnde
si niht
dc si mich vber siht.

↑ So, leerer Platz; diese Zeile ist auch in der Pariser Hs. unvollständig.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 276. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_276.png&oldid=- (Version vom 7.1.2019)

[1] So, leerer Platz; diese Zeile ist auch in der Pariser Hs. unvollständig.

[1]