Seite:Literarischer Verein Stuttgart IX 269.png

	Verschiedene: Bibliothek des Literarischen Vereins in Stuttgart (Band IX)

des habe^[1] vngesamnet minen mv̊t
wibes name vnd wibes lip
sint beide reine
doch ir eine
mir vnsanfte tv̊t.

3.

Ich vnverdahter man.

war tv̊n ich wort war tv̊n ich sinne
swenne ich bi der schonen hin.
dc ich niht reden kan
so gar verstvmet mir^[2] ir minne
dc ich bin gar ane sin.
swen ich sprechen sol ze not.
so kan ich harte cleine dc mir frvme.
so wird ich blv̊c vor schame rot
dar nach besvnder
kan ich wunder
swenne ich von ir kvme.

4.

Waz sol min vmbesagen

mit einem worte siz beslvͤzet
wan si sprichet ine wil.
soldich darvmbe verzagen
nein ich enwil swen lihte verdrvͤzet
der beiagite niht zevil
ich wil si noch versv̊chen baz
vnd mich zedienste ir iemer sparn.
vnd obe si mir gebv͛tet dc
ze babylone
nach ir lone
wolde ich gerne varn.

5.

Der svmer si so gv̊t(H. 2, 266^b)

dc er die schone in siner wunne
lazze wunnecliche leben
swaz wol den ovgen tv̊t.

1. ich fehlt.
2. Lies mich.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 269. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_269.png&oldid=- (Version vom 7.1.2019)