Seite:Literarischer Verein Stuttgart IX 246.png

	Verschiedene: Bibliothek des Literarischen Vereins in Stuttgart (Band IX)

so nement ir spilenden ǒgen hin
swaz ich vf gnade solde sprechen dar
ich mv̊z vnd were ez ioh min tot
an si mines herzen bette ein wort genenden.
vnd sol ich der vil sv̊zen not
nach minem willen iemer iht verenden
sit dc die not niht wan ir minne kan erwenden.

4.

     Ir svlt mir selic vrowe ein wort§     (H. 1, 87^a)

vernemen gnedecliche ob irs gerv̊chet
ine bin bekvmbert hie noch dort
mit valscher min alsez die valscheit sv̊chet
ich minne vch vnd minnit vch ie
daz svlt ir wol gelǒben gar
ir sit mir vor in allen hie
da man mins herzen wart gewar
dar an vernivͤgernde ich nie.

5.

Getorst ich vch mins herzen willen sagen(H. 1, 86^b)

frowe al dar nach mich vwer minne twinget
so mv̊z ich wol mit sprvchen clagen
vil menege not da mitte min herze ringet.
da von dc ir mir lieber sit
denne iht des in der welte si
vnd vch min leit so verre lit.
dc mir doch wont vil nahe bi.
des wintert mir dv͛ svmerzit.

6.

Were (Bl. 29^b) an der minne valsches iht(H. 1, 87^a)

da mit ich mines herzen frowen meine
so enzeme och ir min singen niht
hetis ieman ein wort mit mir gemeine
mir hat gar elle vnstetecheit
ir werdir reiner lip benomen
swaz ir min sanc des willen seit
dc ist mir von dem herzen komen
gelǒbet si ez so enhan ich leit. ◒◒◒

7.

     Owe dc ich ez mit der lieben ie begvnde§     (H. 1, 88^b)

vnd owe dc ich si ie gesach.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 246. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_246.png&oldid=- (Version vom 7.1.2019)