dvr dc lant der stegereif.
dc ich zebvwe niht engreif
do mir begonde entspringen
von alrest min bart
des mv̊z ich nv mit arbeiten ringen.
vil gv̊t ist gv̊t ist[1] eigen gemach.
zimber ein hvs kerlinc.
dar inne schaffe (Bl. 28a) dinv͛ dinc.
die herren sint er arget
swer daheime niht enhat
wie maneger gv̊ter dinge der darbet.
der gast sol wesen vro.[2]
der wirt hat inkenen[3] vůz.
vil dicke so der gast mv̊z
die herberge rv̊men.
swer in dem alter welle wesen
wirt. der sol sich in der ivgent sich[4] svmen.
vnd ein man alwere.
die lv͛te wolten slafen
er lie den wolf zen schafen.
do bigiͤnc er in der stige.
dc man in des morgens hienc
vnd iemer mere sin kvnne ane schriet.
satzen schahzabel an.
si wurden spilnde vmbe gv̊t
der wolf begonde sinen mv̊t.
nach sinem vater wenden.
do kom ein wider dar gegan
do gab ir beidv͛ roch vmbe einen venden.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 235. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_235.png&oldid=- (Version vom 7.1.2019)