Seite:Literarischer Verein Stuttgart IX 196.png

	Verschiedene: Bibliothek des Literarischen Vereins in Stuttgart (Band IX)

ich gesvnge ir lihte also
dc ez dvr die oren in ir herzen clvnge.
nv ist aber der lieben beid vnmere
ist min kvmber ringe oder ist er swere
so vurhte ich dc si mines lobes verdrieze
doch ist mir lieber lop ich si danne obe ich ez lieze. ◒◒◒◒

21.

Lobe ich ir vil reine ivgent

lobe ich danne ir vil minnecliche schone.
lobe ich danne ir vil werden tvgent
so ich dc alles wol mit an ir gecrone
swer dc gerne horet^[1] vnd singe
dem wu͛nsche ich dc liebe noch gelinge
wil er mir allez herzeleit geverret^[2]
so spreche ich wol so enkan mir leides niht gewerren.

22.

Kvnd ich aller lv͛te leit

alse ich wolte nach dem willen min verkeren.
seht des were ich vil bereit.
so wolte ich vur trvren ein dc beste leren
ich lerte einiz dc ich selbe tete.
ob ich ez an der welte volge hete
so wart nie niht so gv̊t vur vngemv̊te
so dc man wibes schone sehe vnd lobe ir gv̊te.

23.

     Han ich niht mit der nahtegal gesvngen.§     (H. 1, 316^a)

dv͛ da hv͛re ir sv̊zen stimme sanc.
des hat mich ein vil grozv͛ not betwungen
dc dv͛ welt mit vngemv̊te ranc.
dv͛ enwil von ir trvren scheiden. niht
noh von ir manicvalden sorgen
doch wold ich vil gerne vf wibes gv̊te vreide borgen
dc obe wil^[3] ir hoher trost geschiet.

24.

Si mac mir wol die selben not erwenden.(H. 1, 316^b)

vnd den kvmber den ich von ir trage.

1. Lies hœre.
2. Lies geverren.
3. Lies waz ob mir.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 196. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_196.png&oldid=- (Version vom 7.1.2019)