dc vns daz ie so ringe wac
er loste vns iedoch alle
wir endienen ime aber alle niht
von der helle valle
dc niemir mer geschiht.
nv seht wie der gevar des herze vnd ovge in vbersiht.
der libes vnd gv̊tes hat
in vollen dast missetat.[2]
so wol alse ez der welte zimet
vnd och der sele wirdet rat.
niht anders ich gelǒben han.
da mitte wir hie da ringen
dc ist der sele ein arbeit
niwan dc wir si bringen
vz grozer liebe in leit
die liebe la dir herre got an vns vil arnen[3] sin geclagit.[4]
so dicke in senelichen mv̊t.
dc ich der welte wart gehaz
do si der swere wart gewar vreite sich. (so)
dv͛ we nach herzeliebe tv̊t.
vnd min dv͛ also vergaz.
do daht ich nach deme lone
der sv̊zen ewe stetekeit.
obe iemer himel crone
des libes erbeit
verdienen kvnde vmbe in. der crone ob allen cronen treit.
dv͛ spreche waz ir rehtes si.
dv͛ dienest von drin mannen nimpt
behaltet si der drier lip.
dan ist niht ganzer vreiden bi.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 194. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_194.png&oldid=- (Version vom 7.1.2019)