Seite:Literarischer Verein Stuttgart IX 193.png

	Verschiedene: Bibliothek des Literarischen Vereins in Stuttgart (Band IX)

10.

Do kvst er do wol tvsentstvnt

ir minneclichen roten mvnt.
same tet si ime^[1]
sich hv̊p groz weinen von ir hie
dc si niht mohte wizzen wie
er keme hin.
si sprach we mir diner balden iage.
nv wilt dv von mir dc^[2] mines herzen clage
lige noch eine wile ez ist noch niender gein dem tage.

11.

Doch mv̊zen si sich scheiden do.

des scheidens waren si vnvro.
doch mv̊z ez sin
der tac der sleich in balde zv̊.
nv enweiz ich leider waz ich tv̊.
wan frowe min
diner tv̊gende vnd diner hohen werdecheit
der sol nv min steter dienst sin bereit.
dc si bidem hohesten eide dir geseit.

12.

* Div tǒgen minne ime geriet.

dc er vrů von der vrowen schiet
leidec vnd vnvro.
dv͛ vrowe och trvren began.
ir ǒgen mohten niht verlan
si enweinden do.
si sprach ez ist gv̊t der die vreude lat.
dv͛ mit so grozem leide dicke ein ende hat.
leit mit liebe trage er der (so) mv̊t zerwelte stat.

13.

     Got hat vns aber san gemant§     (H. 1, 313^b)

ez si noch alles inder not.
sin reine grap da er inne lac.
dwe^[3] vnd och sin selic lant.
da leit er dvr vns den tôt.

1. Lies in.
2. Lies dast.
3. So, lies owe.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 193. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_193.png&oldid=- (Version vom 7.1.2019)