Seite:Literarischer Verein Stuttgart IX 192.png

	Verschiedene: Bibliothek des Literarischen Vereins in Stuttgart (Band IX)

so dc also nv͛wes in ir oren gat.
gein so reinem minneclichem libe
horet minneclicher sanc.
gerne svnge ich also wol gemv̊tem wibe
doch so mv̊t mich (Bl. 21^a) langer dienest ane danc.

7.

     Wie kvnde leider mir geschehen§     (H. 1, 317^b)

wande ich den wahter hoͤre iehen
dc ez si tac
so redde ein schone vrowe gv̊t.
wider einen riter hoh gemv̊t
der bi ir lac
si sprach me dv tv̊ mir vriundes trv͛we schin
vnd gip mir stat in mitten in dem herzen din
dc ich da gewaltic vrowe mv̊zze sin.

8.

Do sprach der riter ellenthafti (so)(H. 1, 318a)

din liebe hat so groze craft.
wider minen lip.
dc si niht grozer mohte sin.
dv wonst mir in dem herzen min.
vil reine wip
so daz mir niemer leider kan geschehen.
danne obe ich dich tǒgen mv̊ze sehen
mines herzen wil ich dir vur eigen iehen.

9.

Div vrowe ir liep zv̊zir gevie.

si sprach . . .^[1] mit belibet hate.
dc herze din
vnd ich des so gewaltic bin.
so fv̊re och dv daz mine hin
geselle min.
so dc si steter kele an anderstreben (so)
ach herre vru͛nt geselle miner frevden leben
gedenke swc wir beide ein andern hap^[2] gegeben.

1. In der Hs. leerer Platz; lies sit mir b. hie.
2. So, lies han.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 192. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_192.png&oldid=- (Version vom 7.1.2019)