Seite:Literarischer Verein Stuttgart IX 157.png

	Verschiedene: Bibliothek des Literarischen Vereins in Stuttgart (Band IX)

sist noch hvͤte vor den ǒgen min. alse si wc do.
do si minneclichen mir zv̊ sprach.
vnd ich si ane sach.
owe solte ich iemer sten also.

13.

Si hat ein liep ein cleine vogellin(H. 1, 124^b)

dc ir singet oder ein lv͛zzel naher sprechen kan.
mv̊st ich dem gelich ir heimlich sin.
so swůre ich des wol. dc nie frowe selchen vogel gewan.
vur die nahtegal wolte ich hohe singen dan
owe liebe schone frowe min
nv bin ich doch din.
mahtv trosten mich vil senenden man.

14.

Sist mit tvgenden vnd mit werdecheit.(H. 1, 125^a)

so behv̊t. vor aller slahte vnvrowelicher tat.
wan des einen dc si mir verseit.
ir gnade vnd minen dienest so verderben lat.
wol mich des dc si min herze so besezzen hat.
dc der stat da nieman wirt bereit.
als ein har so breit.
swenne ir rehtv͛ liebe mich bestat.

15.

     Ich^{[WS 1]} bin iemer ander vnd niht eine.§     (H. 1, 124^a)

der grozen liebe der ich nie wart fri.
waten^[1] nv die hv̊tere alle gemeine
tob vnd blint. swenne ich ir werbe^[2] bi.
so mohte ich min leit
eteswenne mit sange ir wol kvnden
mohte ich mich mit rede zv̊ ir gefrv͛nden.
so wurde wunders vil von mir geseit.

16.

Si ensol niht allen lv͛ten lachen(H. 1, 124^b)

also son^[3] herzen same si lachet mir.
vnd ir ane sehen so minneclich niht machen.

1. Lies wæren.
2. Lies wære.
3. Lies von.

Anmerkungen (Wikisource)

1. Vorlage: Jch.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 157. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_157.png&oldid=- (Version vom 6.1.2019)