Seite:Literarischer Verein Stuttgart IX 134.png

	Verschiedene: Bibliothek des Literarischen Vereins in Stuttgart (Band IX)

si vragenten ob ir vries leben.
dem kv͛nege iht zinses solte geben
do brach er in die hv̊te vnd al ir lage
er hiesch ein mvnzisen
er sprach wes bilde ist hie irgraben
des keisers sprachen do die merkere.
do riet er den vnwisen.
dc si den keiser liezen haben
sin kv͛neges reht vnd got swaz gotes were.

85.

     Hi vor do man so rehte minneclichen warb§     (H. 1, 241^b)

do waren mine sprvche froiden riche
sit dc dv͛ wunnecliche minne also verdarp
sit sanc och ich ein teil vnminneclichen.
iemer als ez danne stat
also sol man danne singen.
swenne vnvůge nv zergat
so si^[1] aber von hofschen dingen
noch kvmpt froide vnd sanges tac
wol ime derz erbeiten mac
derz gelǒben wolte
so erkande ich wol die vůge
wenne vnd wie man singen solte.

86.

Ich sanc hv͛te vor den frowen vmbe ir blozen grv̊z(L. S. 49.)

den nam ich wider minne^[2] lobe zelone.
swa ich geltes so vergebene warten mv̊z
da lobe ein ander den si grv̊zen schone
swa ich niht erwerben kan
einen grv̊z mit mime sange.
dar wend ich vil herscher man
minen nac oder ein min wange
dc kit mir ist vmbe dich.
rehte als dir ist vmbe mich
ich wil min lop keren

1. Lies sing.
2. Lies mîme.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 134. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_134.png&oldid=- (Version vom 7.1.2019)