Seite:Literarischer Verein Stuttgart IX 119.png

	Verschiedene: Bibliothek des Literarischen Vereins in Stuttgart (Band IX)

neinen frowe dc sis iht enge
lat mich vch dc ende sagen.
vnd enget si vns beiden.
wir zwei sin gescheiden
wer solte vch danne iemir iht geclagen.

42.

     Ia lige ich mit gedanken§     (H. 3, 325^a; L. S. XIII.)

der alrebesten bi.
mir ist leit dc ich si ie gesach.
sol si mir fremede sin.
ich enmac ir nv͛t vergezzen
diheine zit. sist gv̊t
vnd ist behv̊t
des trvret mir der mv̊t.
ir svlt mir alle helfen clagen
div leit div man an ir^[1] tv̊t.

43.

     Ich saz vf eime steine§     (H. 1, 224^b; L. S. 8.)

vnd dahte bein mit beine
darvf saste ich den ellenbogen
ich hete in mine hant gesmogen
min kinne vnd ein min wange
do daht ich mir vil ange
wes man zerwelte solte leben
dekeinen rat konde ich gegeben
wie man drv͛ dinc erwurbe
der deheinoz (so) niht verdvrbe.
div zwei sint ere vnd varnde gv̊t
dc dicke ein ander schaden tv̊t
de drite ist gottes hvlde
der zweir vbergvlde
die wolte ich gerne in einen schrin
ia leider des enmac niht sin
dc gv̊t vnd weltiche ere

1. So, lies mir.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 119. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_119.png&oldid=- (Version vom 7.1.2019)