zesingen tageliet
mir der wil wider morgen
besweren minen mv̊t.
nv lige ich liebes eine
reht. alsein senede wip.
dc si meneger in der welte lobet.
hat si dc an mir gerochen.
owe danne so han ich getobet.
dc ich die getivret han
vnd mit lobe gecrœnet
div mich wider hœnet
frowe minne dc si vch getan.
rihtent mir vnd rihtent vber mich.
der ie streit vmbe vwer ere
wider vnstete lv͛te dc wc ich.
in den dingen. bin ich wunt.
ir hat mich geschoizen (so)
vnd gat si genozzen
ir ist sanfte ich bin aber vngesvnt.
ich weiz wol ir habt noch strale me.
mv̊gent irs in ir herze schiezen.
dc ir werde mir gliche we.
ir sv- (Bl. 7b) lent edelv͛ kv͛negin
ivwer wunden teilen
oder die minnen teilen[1]
solde ich eine alsvs verschaphen sin.
schizent dar da man vch wider ste.
helfent dc ich sie[2] gewinne.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 118. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_118.png&oldid=- (Version vom 16.11.2018)