wan einez soltv mir ver geben.
dc mahtv mir zekv͛rzer wile erlǒben gerne
die wile vnz ich din beiten sol.
ich nenne ez niht ich meine ienz dv weist ez wol
ich sage dir wes ich angest han
da fvrhte ich dc ich ez lerne.
min frv͛nt der minnet ander wip.
an allen gv̊ten dingen. han ich wol gemeine.
wan da man teilet frv͛ndes lip.
so ich in vnderwilen gerne bi mir sehe.
so ist er von mir anderswa.
sit er da gerne si so si och da.
ez tv̊t so menegem wibe we.
dc mir da von niht wol geschehe.
dc ich frv͛nde an menege stat.
si enhiez[1] nie geleben nach ir lere.
swie iemerlich ich ez siez gebat. (so)
waz hilfet mich dc ich si minne vor in allen.
si swiget iemer als ich clage.
wil si daz ich ander widersage
so laz ir mine rede ein wenic baz gevallen. (so)
vnd nam ich des cleine war.
do wist ich wol dc dv allenthalben also tete.
da von wart ich dir so vremede gar.
der min zevriunde ger. wil er mich gewinnen.
der laze alle selch vnstetecheit
gemein liep. daz dvnket mich gemeinez leit.
dv sage an weist dv anders iht.
da von getar ich dich niht[2] geminnen.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 111. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_111.png&oldid=- (Version vom 7.1.2019)
