vor alder welte wol wert gemachen obe si wil.
ich gediende ir niemer mere tac.
io hat. si tv͛gende der ich volge vnz an dc zil.
niht langer wan die wile ich lebe.
noch bitte ich si dc si mir liebez ende gebe.
wc hilfet dc. ich weiz wol dc si ez niht entv̊t.
doch dv si ez dvr den willen min.
vnd laze mich ir tore sin.
vnd neme mine rede vurgv̊t.
dem dise zit genediclich hingat.
ane allerslahte seneden zorn.
vnd doch ein teil darvnder sines willen hat.
wie deme nahet manic wunneclicher tac.
wie lv͛zel er mir selic man gelǒben mac.
wan ich nach froide bin verdaht.
vnd kan doch niemer werden fro.
mich hat ein liep in trvren braht
daz ist vnwendic nv si also.
des spotent die den ir gemv̊te hohe stat.
wc ist in liep dc ich in sage.
wc sprichet der von froiden der dekeine hat.
wil ich liegen so ist mir wunders vil geschehen.
so truge aber ich mich selben ane not. wolt ich des iehen.
wan lat si mich erwerben dc.
darnach ich ie mit trivwen ranc.
zeme ieman danne ein lachen baz.
dc gelt ein trivren vnd habe er doch vndanc.[1]
die wile vnd ich der gerndin mv̊t zefroiden han.
- ↑ So, lies danc.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 85. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_085.png&oldid=- (Version vom 7.1.2019)
