Seite:Hugo Martina 1856 0732.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Hugo von Langenstein: Martina

5

Und ir menicvalten tugent

Do tet ich cranker mine mugent

Vnd greif an daz swere werc

Daz miner kvnste sam ein berc

Gein einer bonen wider wege

10

Oder swaz ich kvnste pflege

Daz weiz ich vnd irkenne

Als ich die warheit erspenne

Und bitte die meister gar

Die getihtes nement war

15

Daz si dur ir hohen wirde

Vnd mine slehinden girde

Mit arbeit niht versmahen

Und genedeclich enpfahen

Daz cranke werc daz buocheline

20

Daz in kvnstelosem schine

Von den meistern switzit

Obir kvnst zegerihte sitzit

Nach rehte ist ez noch vngerech

Ez mac dekein fursprech

25

Leider vor rehtem gerihte

Uersprechen nach rehter slihte

Ald nach gemeinem vrteile

Vinde ich nv genade veile

291b,29

So biute ich mich zebuoze

30

Den meistern zvo ir fuoze

Und kvme zvo ir hulde

Vf genade nach schulde

Meistern stat genade wol

Ob ich ez nv sprechin sol

35

So der man ie hohir ist

So vil me im alle frist

Rehtiu demuot wol an stat

Zerehte groz von hove gat

Demuot den gewalt bluomet

40

Kvnst bi demuot ist geruomet

Wan als ich nv wene

So ist ez gar selzene

Ob ich die warheit kan erglosen

So ist mir kvnstelosen

45

Minne wæget danne reht

Da von ich kvnsteloser kneht

Sol billich die meister flehin

Als die fursten vmbe die lehin

Genade bi gewalte zimet

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 732. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0732.png&oldid=- (Version vom 18.8.2016)