Seite:Hugo Martina 1856 0725.png

	Hugo von Langenstein: Martina

Mit geistlicher bekorunge

Beidiv alt vnd och iunge

288b,28

Mit fleischlicher plage

Daz ist so wir zetrage

30

In mit dienste suochin

Und siner helfe trage ruochin

Der ohse selbe niht enzvge

Der im daz hovbit niht buge

Vaste zvo dem ioche

35

Im were ein muozic woche

Liebir danne zackir gienge

Ein tac vnd da enpfienge

Uon dem garte slac vnd stich

Fur war also dunckit mich

40

Svz ist vnser lip vil trege

Starkem werke gar vnwege

Da von swaz vns hie geschiht

Daz ist ane sache niht

So wir vnsir selbs vergessen

45

Mit trinken vnd mit essen

Vnd mit vbriger fuore

Div in der sunde ruore

Daz cranke fleisch wiset

Und niht den geist spiset

50

Der vns zehimel wolde

Leiten als er och solde

Vnder der himelschen dolde

Da von so ist vnsir nvtz

So wir komen in vrdrvtz

288c,55

Daz vns got mit kvmber mane

Beidiv frowen vnde mane

Alsam geschach dur gvot

Daz er closter frowen muot

Mit bekorunge wart erwecket

60

Vil vnsanfte vnd erschrecket

Ein geistlich bekorunge sibe stuont

Als si noch vil liute tuont

Da mit si wart beswæret

An froden gar erværet

65

Si was och swere genuoc

Die si doch verborgen truoc

Die bekorunge wil ich sagen

Der warheit niht verdagen

Ir was vil stetecliche

70

Wie si von himelriche

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 725. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0725.png&oldid=- (Version vom 18.8.2016)