Seite:Hugo Martina 1856 0720.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Hugo von Langenstein: Martina

Ez ist noch ein alter sitte

Und volget vns allen mite

286b,29

Daz man ie zerehter not

30

Den besten friunt fur bot

Svz wil crist verschalden

Martinam die er hat behalden

Vf der welte crankeit

Daz si vermache vnser leit

35

Und ir lob werde breit

Daz si fur war iv geseit

Als er wilent hat getan

Mit sant stepfan

Dez heilic lip vil zarter

40

Enpfie die ersten marter

Nach sinem meister criste

Dez marter vns alle friste

Uor dem lebinden tode

In der lebinden helle sode

45

Der marterer furste heizit er

Wan er die marter mit beger

Enpfie hie mit erste

In der marter kor der herste

Heizit er vil vnverschampt

50

Er treit der marter fursten ampt

Der lac vnd die gesellen sin

Uf nvwer zeichen liehten schin

Wan daz lant was gelegen

Wazzirs durre vnd ane regen

55

Uon der lant liute sünde

Den wart von wazzers ünde

286c,57

Ir kvmber wol gebuozet

Ir grozir schade gesuozet

Do der furste wart erhaben

60

Und die mit im wan begraben

Daz lant allis ir genoz

Ein senfter regen zvo floz

Vnd wart div erde berhaft

Div e was durre vnd ane craft

65

Der marter furste behalten was

Sthephanus als ich ez laz

Nach cristes geburte furwar

Volleclich driv hundert iar

Funf vnd ahzic darzvo

70

Daz ich der zal rehte tuo

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 720. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0720.png&oldid=- (Version vom 18.8.2016)