Seite:Hugo Martina 1856 0715.png

	Hugo von Langenstein: Martina

Die werdent gar verswendet

Und ane zwivel verendet

284b,29

Ald vf ein bezzirs gespart

30

Dem diz nie gelich wart

Het ein man ein liebis kint

Als noch genuoge sint

Der ahtet niht dez kindes muot

Noch der bette so ez tuot

35

Vnd was ez gerne tæte

Er ahtet daz vil stæte

Waz im aller beste si

Ist im rehtiu liebi bi

Kint sint niht volkomen

40

Witze als ir hant vernomen

Dez sol man ane vrdrutz

Niht betrahten wan ir nvtz

Also sunt ir sicher wesen

Disiv maget git genesen

45

Alder daz vil bezzir ist

Den gewalt het si von crist

Merkint alte vnd iunge

Swer mit geistlicher bekorunge

An dem hercen ist geladen

50

Von dem vngefuogen schaden

Hilfet im div maget iunge

Div gewihte gotis tunge

Swer mit minneclichen sitten

Getar die vil guten bitten

55

Der ist sicher gar der bet

Ald daz er abir vor im het

284c,57

Div im verre nutzer wirt

Und im grozer selde birt

Wan si ist wol so selic

60

Aller gebresten vnmelic

Daz si niht versagen kan

Swez si frowen oder man

Bittent mit rehtem ernst

Si tuo ez aller gernest

65

Da von sol nieman beiten

Wir sun vns balde reiten

Zvo der megde grabe hin

Uffen rehter bette gewin

Doch sunt ir wizzint alle

70

Ane schinpfes geschalle

Der zvo dem grabe niht kvnt

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 715. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0715.png&oldid=- (Version vom 20.6.2018)