Wikisource

Seite:Hugo Martina 1856 0698.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.


Ein stunde was ir anevanc
Vnd ein stunde ir vzganc
Owe owe der kvrzin zit
Div also lange swere git
55
Owe owe der kvrzin tage
Wan siv bringet stete clage
277c,57
Owe owe der kvrz gelust
Daz er gesovg ir muoter brust
Owe owe daz er geborn
60
Ie wart vf endelosen zorn
Owe owe daz sinen lip
Getruc alde ie gesovgte wip
Owe owe daz siner not
Niht ansigen sol der tot
65
Owe owe daz disiv dol
Niemer ende gewinnen sol
Ist ane drum doch mit begunst
Swer nv sinne oder vernunst
Und naturlich witze habe
70
Der gedenke zvo dem grabe
Daz im hie wirt zerteile
Zeheile oder zevnheile
Gedenke waz dv denne wirst
So du dines huses virst
75
Hie rurest mit diner nasen
Ich meine der erde wasen
Dar vz dv bist gemachet
Swer rehte diz bewachet
Dem wahset silber vnde golt
80
Unde wirt im niemer holt
Im slafet spise vnde tranc
Der sumer vnd der vogel sanc
Im slafet der lihte meige
Vnd die blumen menger leige
277d,85
Im slafet frolicher muot
Darzvo friunde vnde guot
Im slafet frovde vnd frovden wan
Den er zerwelte solte han
Im slafet gelinpf vnde fuog
90
Den er ie mit willen truoc
Im slafet alles daz hie ist
Vnz an den süezin ihesum crist
Zvo dem so wachet sin herze
Mit der sünden rvowe smerze
95
Wie er hie die trahte erwerbe
Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 698. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0698.png&oldid=- (Version vom 18.8.2016)
Von „https://de.wikisource.org/w/index.php?title=Seite:Hugo_Martina_1856_0698.png&oldid=2892260“