Seite:Hugo Martina 1856 0686.png

	Hugo von Langenstein: Martina

Und sit ordenlichen vollebraht

75

Daz ist hie menschen sinne

Vnkvndic vz vnd inne

Als der in dirre zit

Eine reterschen vz git

Die weder wip noch man

80

Nach rehte erraten han

Daz ist im danne swere

Als ist vns offenbere

Vnkvnt der wisheit fluot

Die nie menschen sin dur wuot

272d,85

Noch niemer fvrtic wirt

E vns der himelsche wirt

Die zwelften trahte biutet

Zehant ist vns betiutet

Warumbe elliv wunder

90

Der wunderer hie besunder

Geschaffen hat vnd elliv dinc

Daz enden vnd den vrsprinc

Wir danne an dekein sehen

Warumbe es ist geschehen

95

Un wie vnd dur waz

Ist gewurket alles daz

Warumbe got der milde

Nach sin selbes bilde

Machte hie adames lip

100

Uzzer leime vnd im ein wip

Geschuof vz sinem rippe

Div im was nache sippe

Wie die vielen in den tot

Und och in die selben not

105

Alles ir kvnne sit wurfen

Dez wir niht sagen bedurfen

Wan ez zelanc wurde

Der aldez iamers burde

Solde kvnt machen

110

Und von welhen sachen

Lvcifer vnd sine genozzen

Von himel wurden gestozzen

273,1

Wie sit den menschelich loste

Crist von der helle roste

Wie die himel vmbe gant

Und niemer stille gestant

5

Ane empyreum alleine

Da inne got der reine

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 686. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0686.png&oldid=- (Version vom 18.8.2016)