Seite:Hugo Martina 1856 0685.png

	Hugo von Langenstein: Martina

272b,29

Und die trahte erwirbet

30

Div niemer och verdirbet

Der muoz in froden beliben

Iar ane swere vertriben

Lip und sele si spiset

Mit frovden vnde wiset

35

Si der gotes tovgenheit

Die kein munt het geseit

Noch kein sin erlangen

Mac noch erspangen

Ir name heizit vil gewisse

40

Div erliuhte erkantnisse

Wan die grundelosen trinitat

Div anevanc noch ende hat

Und siv beidiv machen kan

Vnd doch ie weders nie gewan

45

Die man doch hie nach pfliht

Als in einem spiegel siht

An menger creature

Lvft erde wazzer fure

An sunnen manen sternen

50

Mac man ein teil lernen

Wan div sint gegenwurtic

Div dinc div doch vnfurtic

Sint vnd och vngrundic

Div mvn ein teil kvndic

55

Menschelicher girde werden

Doch so ist vf erden

272c,57

Allen sinnen gar vnkvnt

Der bodenlosen wisheit grunt

Div elliv dinc von nihte

60

Geschuof vnd gar berihte

Div sit sante ein wort

Daz vor nie wart bekort

Daz och sit zefleische wart

Bi der reinen megde zart

65

Div in magtlich gebar

Ir kvsche brvst gab im nar

Die er menschelichen sovc

Sin menscheit den tievil trovc

Und brahte zvo siner wunne

70

Daz verlorn menschen kvnne

Wie daz mit miltem rate

Uon der hohen trinitate

Wislichen wart bedaht

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 685. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0685.png&oldid=- (Version vom 18.8.2016)