Seite:Hugo Martina 1856 0683.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Hugo von Langenstein: Martina

Als geistlich liute sint

Minne vnd der süeze frit

Sint vil liebiv geswestergit

55

Do crist dem tot ein ende

Gap mit siner vrstende

271c,57

Vnde mit beslozzener tür

Kam sinen iungern für

Do sprach er pax vobis

60

Daz ist zetiute gewis

Fride si iv gegebin

Nv sunt ir merken ebin

Er gebot die minne hie

Den fride er zegabe lie

65

Div zwei cleinot sunt behalten

Die iungen zvo den alten

Wan div zwei zaller friste

Mehilt vns zvo ihesu criste

Div minne besluzzit elliv lide

70

In dem süezin gottes fride

Fride ist als ir hant vernomen

Ein himel trahte vollekomen

Wan ez kan hie nieman

In dirre welte fride gehan

75

Wan ez ist ein alter strit

Dez menschen lebin elliv zit

Als iob vns wizzin lat

Der ez wol befunden hat

Do so stritet aller meist

80

Mit dem libe hie der geist

Daz sich hie stete gruonet

Vnd niemer wirt versunet

Wan mit dez todis swert

Dez doch luzil liute gert

271d,85

Ich wil die rede machen kvrz

Vnfride ist ein muolich wurz

Si machet vnser lebin bitter

Dem knehte als dem ritter

Unfride waz wende ir me

90

Tvot lip vnd sele we

Vnd kan sin vf der erden

Doch nieman vber werden

Unfride ist ein helle ris

Vnd hebt sich in menge wis

95

Doch ist hofart der stan

Da daz riz abe kan

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 683. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0683.png&oldid=- (Version vom 18.8.2016)