Seite:Hugo Martina 1856 0679.png

	Hugo von Langenstein: Martina

Der tot vnd sin vorhte

Der ie truren hie worhte

Mac dem libe niht geschaden

100

Lip vnd sele ist entladen

Aller kvmberlichen dol

Steter froden sint si vol

Man kan nihtes da gegern

Got welle ez tusentvalt gewern

105

Diz ist daz nivnde trahtelin

Wie kvnde daz süezir gesin

Daz man zehimel ane pin

Nvzit in der froden schrin

Lat ivch machen aber kvnt

110

Die zehinden trahte dirre stvnt

Die munt ir gerne merken

Lip vnd sele kan si sterken

270,1

Si kan gebresten büezen

Vnd armuot balde süezen

Nv merkint si mit zvht

Si heizit vollekomen genuht

5

Dekeinen gebresten treit

Wan si hat der koch bereit

Der alle engel suoze spiset

Als mich min sin wiset

So ist gar ein armuot

10

Dirre welte bestes guot

Daz hie die liute hordent

Dar vmbe ein ander mordent

Wie si dez gewinnen vil

Noch hant dekein gewisses zil

15

Wie lange siiz behalten

Die iungen zvo den alten

Daz siv doch mit menger luge

Gewinnet vnde valscher truge

Dar vmbe geschiht menic zorn

20

Vil meiner eide wirt gesworn

Umbe daz guot so verfluochet

Dez man mit svnden geruchet

Vnd mit svnden leit zesamen

Doch in dez tievils namen

25

In sinem namen doch verzert

Sin rat och da mitte vert

Wie der zergancliche hort

Gebrvwe mein vnde mort

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 679. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0679.png&oldid=- (Version vom 18.8.2016)