Seite:Hugo Martina 1856 0674.png

	Hugo von Langenstein: Martina

Er mohte die erde bewegen

Wolder den muot daran legen

Daz vierde friheit als ich han

100

Iv da vor kvnt getan

Er ist fri ane getwinc

Daz in besweret dekein dinc

Daz fivnfte ist alle stunde

Daz er ist wol gesvnde

105

Daz man och sere minnet

Bresten er niemer gewinnet

Daz sehste wollust elliv zit

An aller slahte widerstrit

Wan swez er hat gelust

110

Dez hat er ganze wollust

Und in steteclichen wern

Me danne er kan gegern

268,1

Daz sibinde ist langes lebin

Daz dem libe wirt gegebin

Gar svnder missewende

Und och an alles ende

5

So tusent iar hin gahent

Hundert tusent an vahent

Suz ist ir wehzil ane zil

In dem frovderichen spil

Rehte zegelicher wiz

10

So hat sibenvalten priz

Div sele vnd siben selde

In der froden gemelde

Mit den si hat gezieret got

Uon siner minne hoh gebot

15

Div erste selde wisheit ist

Wan si erkennet alle frist

Wie got in siner trinitat

Elliv dinc geordint hat

Wie wislich und wie minneclich

20

Wie nutzlich wie sinneclich

Wie frilich er besunder

Geschuof elliv wunder

Div ander selde mit craft

Ist div ewic frivntschaft

25

Div niemer geteilit wirt

Und iemer nivwe minne birt

Zvo dem der si hie losen

Geruohte von der bosen

268b,29

Himels abtrunniger diet

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 674. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0674.png&oldid=- (Version vom 18.8.2016)