Seite:Hugo Martina 1856 0656.png

	Hugo von Langenstein: Martina

Nach dem iungsten geriht

Als vns div warheit giht

Vntz dar so svn wir sehen

80

Der guoten frovde vnde spehen

Siv sint von angest vnfro

Und sprechent siufzende also

Diz sint der leben wir vor gote

Ie hatten zvo einem spote

260d,85

Vnd gar fur vnsinnic

Nv ist ir leben gewinnic

Und vnder der heiligen ir loz

Vor gotte an den selden groz

Sint vnder gotes erwelten

90

Mit froden die gezelten

Wir sin die vnsinnigen

Aller selde ist vns verzigen

Wir sin gar verwazen

Aller frovden teil erlazen

95

Waz hilfet alliv frovde hie

Die wir da her ie hatten ie

Wir sin nach einem schatten

Zekvmber her gewatten

Und muozen nv beliben

100

Endelosiv iar vertriben

In vngezalten sorgen

In steten leiden worgen

Daz niemer wirt gebüezet

Vnselde vns hie grüezet

105

Mit tusent hundert schanden

Der wirt niht erkanden

Nv truren nv lebender tot

Nv weinen nv clagende not

Wir sin aller frovden crank

110

Waz hilfet spise vnde trank

Swaz wir der gepflegen beider

Waz helfent richiv cleider

261,1

Div wir mit hofart slizzen

Schilt vnd sätel glizzen

Uon silber vnd von golde

Zvo der helle iamers solde

5

Sin wir eweclich geschriben

So tusent iar sint vertriben

So vahent hundert tusent an

Verfluochent frovwen vnde man

Die vns leben ie gedahten

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 656. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0656.png&oldid=- (Version vom 18.8.2016)