Seite:Hugo Martina 1856 0641.png

	Hugo von Langenstein: Martina

Im clebt an sinen ovgen

80

Daz er dem ane lovgen

Iht gewern muge da von

So vil craft ist er vngewon

Wie ist der zweiger leben

So vngelichiv craft gegeben

254d,85

Matusalanes alter volkomen

Als ir dicke hant vernomen

Der lebte wol nivn hundert iar

Und nivn vnd nvnzic fur war

Der liute ist luzel vz gesundert

90

Die nv geleben mvgen hundert

Doch het diz leben menge not

Vnd wer doch ein gehir tot

Gen dem leben im himelriche

Dest war sint gar vngeliche

95

Diz ist ein kvrzer ovgen blick

Den dez scharpfen todes strick

Mit bitterkeit besliuzit

Dez disiv frovde zerfluzit

Daz lebin niht ende nimet

100

Daz in himelrich gezimet

Tvsent iar sint als ein tac

Dez div welt gester pflac

Wan den ahtent die liute

Doch harte cleine hute

105

Da von ist diz leben cranc

Als ein kvrzer gedanc

Wan der mensche denkit leben

In dem gedanc wirt gegeben

Ein ende siner zvoversiht

110

Als mengem teglich geschiht

Da wider der frodericher hort

Wahset tugentlichen dort

255,1

So tusent iar sint vz gezilt

So ist ez vmb wurf gespilt

Und vahint hundert tusent an

Niht me ich gezellen kan

5

So tusent iar hin gahent

Zehin hundert tusent an vahent

Svz ist der froden iare zal

An ende in dem wunnen tal

Da were och gar ein armuot

10

Keiser augustus riches guot

Vnd der gewalt dez er pflac

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 641. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0641.png&oldid=- (Version vom 18.8.2016)