Seite:Hugo Martina 1856 0640.png

	Hugo von Langenstein: Martina

Si were da ein fulu trege

35

Vnd ein smeher vngelinpf

Darzvo ein spotlicher schinpf

Der claren sele liplich vel

Zehimelriche wart so snel

Als nv ist der gedanc

40

Er ist och ane getwanc

Mit gemehelicher stille

Swar so im stet der wille

Er wirt so rehte clein fuoge

Als ich mit warheit ruge

45

Der lip der sele gemahel

Daz er dur einen bereck von stahel

An allen kvmber fuore

Gar die rihte nach der snuore

Uon sampsones grozer craft

50

Div sinem libe was angehaft

Ist vns dicke wol bescheiden

Was er sluoc der heiden

Den er so grozen haz truoc

Mit eines esils kinne erslvoc

55

Der heiden tusent oder me

Hie vor in der alten e

254c,57

Sin craft hatte witen rvon

Diz wære ein cranker siechtuon

Zehimel vnd och ein blœde

60

Garnach spotte snœde

Swer nv welle der merke

Uon der sele groze sterke

Die sant anshelm schribet

Dv den erwelten dort belibet

65

Dem rehten menschen wol geslaht

Git got zehimel solhe maht

Daz er mohte wol bewegen

Wol er den muot daran legen

Gewalteclichen aldie erde

70

So rehte creftic wirt der werde

Da wider der verdampnot

Der hie smahte gottes gebot

Wirt mit crankeit vberladen

Uf sinen ewigen schaden

75

Daz der gar verwazen

So vil creften ist erlazen

Daz er daz bœse gewurme

Daz mit stetem gesturme

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 640. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0640.png&oldid=- (Version vom 18.8.2016)