Seite:Hugo Martina 1856 0638.png

	Hugo von Langenstein: Martina

253c,57

Wan die si hant befunden

Alhie zetlichen stunden

Die wissen ez vnd nieman me

60

Waz wol tuot vnd och we

Wan danne gotes dienere

Uon dirre welte swere

Sint an stete rvowe komen

Div in niemer wirt benomen

65

So hant siv frovden deste mere

Vnd vngezalter hoher ere

Alsus ist mit froden sa

Div winterlichiv rvowe da

Nach der warheit zetiute

70

Uor dem gotlichen antliute

Daz man da steteclichen siht

Als sant augustinus gibt

Man siht zehimel mit gelust

Ane gebresten ane verlust

75

Got iemer ewecliche

In sinem steten riche

In siner gotlicher figure

Vnd in menschelicher nature

Die er ie von der maget

80

Nam als vns ist gesaget

Diz groz zwivalt wunder

Svn wir alda besvnder

Iemer schowen ane zil

In voller steter frovden spil

253d,85

Daz nie wart ergrundet

Als vns vil ist gekvndet

Daz svn wir ane verliesen

In werdekeit schone kiesen

Lvterlichen als ez och ist

90

Und in iemer alle frist

Minnen gar ane vrdrutz

Vf der steten frovden nvtz

Wan mit so grozer girde

Minnet man die gotes wirde

95

Daz man gar vnverdrozzen

In brinnender minne beslozzen

In eweclichen minnet

Sin minne in vns brinnet

Sin lob ist alle stunde

100

In ir herzen grunde

Ane vrdrutz ane muogesal

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 638. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0638.png&oldid=- (Version vom 18.8.2016)